杜宇航陳嘉桓冒雨教減壓
杜宇航和陳嘉桓出席昂坪360「昂坪少林大會」活動，與現場少林功夫大師一起大耍減壓保健五式。可惜活動期間下起大雨，杜宇航和陳嘉桓在全無遮擋的情況下被「照頭淋」約十五分鐘，二人表現專業無怨言直至活動完結。
事後問到被雨淋的感覺，杜宇航說：「其實拍戲都成日日曬雨淋，見觀眾咁熱情都好開心。」而陳嘉桓說：「落場雨都幾好，天氣咁熱可以涼啲。」
問到為何不與少林弟子即場切磋武功，是否擔心各有所傷，杜宇航說：「唔係，大會無安排啫。不過之前試過拍一個廣告，我一手打落對手胸前，佢斷咗兩條胸骨要住三個星期醫院唔郁得。我覺得非常唔好意思，原本只要拍一日嘅廣告點知要延遲咗好耐。」