Jessica C.響鐘谷港男

無綫《2010香港先生選舉》鐵定於8月21日舉行，節目貫徹一向作風，廣邀城中靚女擔任評判團，今年更向一眾人氣o靚模招手谷收視，Jessica C、陳靜（DaDa）、椋名凜等已獲邀請，而周秀娜、新舊八模亦在邀請之列，屆時一眾作風大膽的o靚模可以名正言順奉旨「(目及)仔」。

據知，無綫唯獨飛起早前為亞視錄影特備節目對撼港姐的Donut及妄攝五女，記者求證港男監製衞世輝，他直言：「我無同Donut、妄攝女合作開，加上佢哋同亞視拍嘢原則上唔會請佢哋。」

將首次任評判的陳靜直言對活動期待，讚港男選舉一向很有娛樂性。

翟威廉獲型男活力獎

另外，昨日港男舉行「型男活力大比拼」活動，十位參選者進行攀石比賽，(10)翟威廉攀石時振臂高呼兼扮孫悟空，最後成功獲獎。至於(3)黃田麒一度由攀石場跌下，幸好有驚無險。活動上擔任司儀的龔嘉欣被追問和鄧健泓的戀情，直認兩人發展中，並大讚男友：「佢係好男仔，好細心，好錫我。」至於與鄧健泓前女友李詩韻碰面會否尷尬，她說：「我唔識佢，不過大家都好清楚個時序。」親證男友沒有一腳踏兩船。

文：影視組