孫耀威微博發洩
陳美詩、賈曉晨（JJ）、苟芸慧與陳爽等昨日出席無綫與英皇合拍電影《翡翠明珠》宣傳活動，對於男友孫耀威在微博自爆不開心，陳美詩說：「佢坦白講自己嘢啫。（點解？）可能落雨啦。（佢更年期呀？）幾歲會o架？（氹番佢？）我都會打電話問吓佢嘅！」問到孫耀威是否因禁慾未能「發洩」才會不開心？她即詐傻謂：「咩嚟o架？其實每個人都有情緒問題，佢都唔係情緒化！」
同場的JJ被問到與沈震軒傳緋聞，她謂：「冇拍拖，同佢係識咗好耐嘅好朋友。」她又稱：「叻哥（老闆陳百祥）同我哋一班同事講話事業穩定先，佢冇話反對呀。」
另外，孫耀威與劉心悠昨日到海港城出席《願望故事暨插畫展》開幕活動。孫耀威為「不開心」解畫：「我連續一星期發噩夢，標汗喊醒，晚晚新鮮晚晚甘。（有重大轉變？）都冇乜轉變，可能我將會喺內地同香港搞生意，多嘢諗咗，不過依家都好初步，會同兩位朋友投資。（投資百萬？）咁一定要啦。」
