祖兒顯Sing威 粉絲預早撲飛

祖兒將於年底假紅館舉行演唱會，雖然確實日期、場數和票價仍未落實，因前年她在紅館的個唱空前成功，不少粉絲等到頸都長，近日已向唱片公司「柯打」訂票，祖兒亦笑言很多朋友託她訂飛。她說：「呢排都開始開會傾緊個唱方向，每次開個唱心情都緊張，想畀樂迷多啲新鮮感。」

拍ＭＶ演技大考驗

祖兒日前為電影《翡翠明珠》宣傳歌《信今生愛過》拍ＭＶ，絕對是演技大考驗。她謂：「因為個ＭＶ冇對手同道具，純粹靠個人內心戲去演繹。」

此外，祖兒除了唱功出色外，舞功亦相當厲害。前年她在個唱示範倒豎葱、傾斜四十五度和凌空翻身等高難度舞姿，就連排舞老師High King也大讚祖兒準時、勤力兼不怕死。他說：「佢好大膽，幾高難度動作佢都唔怕，所以為佢設計動作愈來愈大膽。」High King又大爆陳奕迅（Eason）和王菲的排舞趣聞：「Eason有啲懶，會遲到亦會遲走，佢個人好有精力，鍾意乜都問到底，每樣嘢要明白。」High King指阿菲不准舞蹈員出現在其七呎範圍，以免影響唱歌。

周杰倫跳殭屍舞

另外，周杰倫的御用舞蹈老師「雪糕」，踢爆周董以前跳舞肢體僵硬，恍如跳「殭屍舞」，但經過苦心鑽研，周董進步神速，並跳出可愛羞澀感覺。

昨日姚明的「姚基金慈善之旅」在台北小巨蛋舉行籃球比賽，獲大批明星撐場。梁靜茹即時在微博中上載多張照片，當中有周董及羅志祥（小豬），並大讚所有明星球員靚仔。

文：專案組