新「龍嫂」身價 跳升至10萬
新「龍嫂」戴庚玲（Janine）模特兒出身，曾接拍多個廣告，工作不斷的她更是公司中頭十位最賺錢的模特兒之一，但其平面廣告價亦僅是千多元，自Janine榮升「龍嫂」，身價即百級跳，最近她接拍的嘉頓廣告酬勞已飆升至10萬元以上。為配合「龍嫂」身份，Janine衣着打扮均升級，與愛郎一樣專攻名牌及潮物。
對Janine身價因戀情急升，其模特兒公司發言人指Janine身價與拍拖無關：「係睇工作性質同客戶關係，不過最近的確多咗唔同類型嘅宣傳活動搵佢。（拍拖有冇影響Janine工作？）公司唔會反對佢拍拖。佢係公司模範模特兒，工作態度好好，冇遲到，又專業，好多客都讚佢冇用戀情嚟宣傳。」而Juno近日忙於為年底推出的專輯錄歌，還要為電影《剖術者》拍製作特輯。
