Juno寵幸Janine速入億元龍宮

Juno入行至今一直被指鍾情阿嬌，緋聞傳足幾年，自從阿嬌工作量愈來愈多後，與Juno「友誼」亦開始轉淡，私下已甚少聯絡。未幾，即傳出Juno與曾擔任其MV女主角的中英混血「潮模」Janine（戴庚玲）撻着，由於當時Janine有一名拍拖多年的圈外男友，Juno幾經辛苦才追到手，故拍拖兩星期已急不及待公開戀情，原本家住元朗的Janine獲男友專車接送。

返愛巢短聚換衫

最近本報更發現「升呢」做龍嫂短短兩個月的Janine，火速搬到「龍宮」——Juno位於淺水灣道56號的逾億元獨立屋豪宅共賦同居。日前Janine在數碼港出席完活動後，獨自乘的士返回愛巢，當的士準備駛入屋苑時，門外保安已醒目開定大閘，並主動向坐在車內的Janine打招呼，態度與見到一般住客沒有分別。

Janine出席完活動後打的去淺水灣。	放大圖片	直搗龍宮

Janine「入宮」約三個小時後，始見Juno單拖出發往鰂魚涌公司，可見與女友愛得火熱。Juno逗留在公司之時，吩咐司機折返「龍宮」接載梳洗打扮過的Janine到上址會合，至晚上七時左右，Juno拖實女友往銅鑼灣皇室堡撐枱腳，全程大方任影！其時本來下午穿上間條背心裙的Janine，已換了粉紅色透視背心與黑色短裙，但仍外披日間所穿的波點外套。

Juno拖住女友在保鏢及助手陪同下去撐枱腳。

煙韌接「龍」

公司沒有「禁婚」

對於有指Juno借fans之力向Janine求婚，曾趁女友自外地返港時在機場高舉「嫁畀我」的紙牌，求證於Juno時，他聞言只笑笑不置可否，反而Janine就垂頭甜笑。直至二人晚膳完畢離開，再追問結婚一事，他倆一齊笑得很開心，Juno更關心記者地說：「小心睇路呀！落雨個地下濕。」然後拖女友上車返家。事後記者再致電Janine求證，她在電話中說：「哈哈！你哋喺邊度聽番嚟。（Juno啲fans幫佢同你求婚？）我哋冇特別傾過呢個問題，不過，都好多謝佢哋。」但她透露所屬的模特兒公司沒有「禁婚」，一於向Juno派定心丸。

文、攝：追蹤組