張家輝彈無綫糟質港姐
張家輝將為星期日晚舉行的香港小姐決賽擔任評判，昨日他在尖沙咀與候選港姐會面時彈無綫糟質港姐，指她們特訓時好似拍劇一樣冇覺好瞓！
《2010香港小姐競選決賽》於星期日假紅館舉行，十五位候選佳麗昨日先在尖沙咀某酒店與評判團包括立法會議員林大輝、機場管理局行政總裁許漢忠、張家輝、虞茱迪和熊黛林會面。
唔受佳麗蒙騙
張家輝指今次擔任評判不能以平日睇女仔的角度評分，大會自有一套完善準則作指引，他指除了外貌，更重視佳麗內涵。問家輝會否被扮有內涵的佳麗蒙騙？他笑說：「對住我扮嘢難啲喎，喺我面前實原形畢露，其實參賽者都係想展示自己最好一面，但係點解要糟質到佢哋？好似拍劇咁瞓又冇得瞓，大家舒服啲咪好囉。」
至於熊黛林被問到會以甚麼準則評審佳麗？她說：「除咗身材同樣貌，仲要有內涵，要識做人，工作態度要敬業。」問熊黛林有沒有想過參加選美？她說：「以前我哋冇選美，只係有模特兒大賽。」
志偉讚身材好
而志偉被問到今屆有甚麼心水？他說：「舊年係揀唔到，今年都難揀，大冧巴啦，身材好就(8)彭慧中，不過好多人都鍾意(1)黃安琪，不過印象中好似冇(1)攞過冠軍喎。」彭慧中被問到志偉經常提及她的身材，她表示不會尷尬，亦不覺得身材好有優勢，自命最煞食的是笑容。
此外，官方網站公布「最具冠軍相佳麗網上投票」結果，領先的佳麗分別是(4)文凱玲、(8)彭慧中、(10)馬鈞怡、(11)李文煊和(13)陳庭欣。(10)馬鈞怡接受訪問時指自己並沒有熱門的感覺，情願自己是黑馬，壓力也少一點。另外，余文樂將會在決賽則擔任「最上鏡小姐」評判。
採訪：影視組