Yumi踩場阻路途人暗寸
尹蓁晞（Yumi）昨日把握最後機會殺入書展，身穿低胸白色連身裙到場為其寫真集造勢，獲老闆林建名撐場，Yumi識做地即時連獻四吻兼送上簽名寫真，由於圍觀者眾多，引起部分路人不滿，其中有人說：「咩呢度簽得名咩？」
對於其寫真銷情成功打入書展銷量榜頭三甲，Yumi笑言相當滿意，問到如何出招再谷銷量，她謂：「今日件衫有自己個樣，同埋嚟緊都會喺動漫節度賣T-Shirt。（知唔知周秀娜被動漫節禁止亮相？）唔知呀！（擔唔擔心會牽連其他o靚模？）其實今年佢都唔算好性感，其他Model比佢更出位，唔應該只封殺佢一個。（覺唔覺畀人歧視？）有少少對佢有偏見，我覺得唔需要唔畀佢入場。」雖然周秀娜被禁，但Yumi卻預告會亮相動漫節，為配合大會Cosplay主題，已特別向公司申請訂造服飾，當然亦會以性感為主。
