Carol預告開胸踩場

周秀娜和JC遭動漫節打壓，不過其他o靚模如楊梓瑤（Carol）、百果園咪神陳靜（DaDa）和冬甩則可在動漫暢通無阻。昨日有份出席動漫節記招的Carol表示，首日（30日）會由早十晚六現身動漫，並連續三日踩場：「準備咗一件性感開胸旗袍cosplay裝束扮春麗，會上台抽獎同頒獎畀fans，（喺動漫繼續賣寫真？）會，仲有滑鼠墊和T恤。」對楊媽媽被指嬲爆她行性感，她解釋屋企人是潮州人較為保守，現已與母和好如初：「以後影相前都會同媽咪講聲，依家關係OK，（媽咪擔心你畀學校開除？）初時係有少少擔心，但其實無咁嘅事。」
Carol昨日在記招上預告會性感踩場。
Carol昨日在記招上預告會性感踩場。

DaDa亦會以性感女魔法師造型於首日現身，並會為寫真簽名；而冬甩則會連搞簽唱會和簽名會，並預告會每日去動漫：「我哋係以『女神』身份去，做乜大會都批准，我哋唔會似其他人咁唔受控，唔會引起混亂。」

Click選心水港姐，請瀏覽on.cc 東方互動《香港小姐2010》專輯

DaDa預告會以性感女魔法師造型於首日現身。
  • DaDa預告會以性感女魔法師造型於首日現身。
有份出席記招的劉俐以cosplay造型現身，性感可愛。
  • 有份出席記招的劉俐以cosplay造型現身，性感可愛。