楊梓瑤搣甩浸大做大圍E神
楊梓瑤（Carol）昨日踩入書展作最後衝刺，在攤位企足一粒鐘落力叫賣，吸乾宅男荷包。是非纏身的Carol傳出被浸大開除學位，她拒絕回應，更希望搣甩「浸大E神」花名，笑言：「叫我大圍E神！」
人氣急升的「浸大E神」Carol，昨日先出席手錶活動行騷，卻懷疑因吃得太飽肚痛，行騷時表現不自然，之後更飛奔到廁所解決。而她下午則踩入書展做sales谷書，甫到場獲大批fans包圍攤位，有少男即場換上Carol的「屁股」Tee支持偶像，Carol為了報答fans，逐一與他們合照，更識做將頭挨近宅男膊頭。
冇聽過會被開除
因寫真相有白色太陽油而被指意識不良的Carol，同時傳出浸大打算開除她的學位資格，Carol對此說：「不實嘅謠言唔需要回應，一間大學決定咗嘅嘢唔會改變，學校都體諒我嘅情況，從來冇聽佢話會開除我。」以「浸大E神」之名出位的Carol，事後在電話中說：「呢個名都係傳媒幫我改，我都希望搣甩個名，不如叫大圍E神囉，我住喺嗰度。」而浸大發言人則回應：「唔會對個別學生作出評論，同埋佢係成年人，有責任處理自己嘅事。」
有激靚相未公開
Carol又表示o靚模寫真中最想看Jessica C.那一本，但當知道JC暗寸她為fans塗太陽油唔正常，Carol即時反擊：「塗太陽油係防紫外光，我日日都塗。（唔開心畀人話？）冇唔開心，佢有佢做，我有我做。」對於網上發起要求Carol寫真再送到淫審處審批，Carol說：「我覺得唔需要浪費公帑，（再出特別版？）睇下銷量點先，其實都仲有啲相未出，（仲激？）激靚！」
文：專案組