鍾蕙芝與經理人隔空開火
鍾蕙芝（Lavina）去年憑34D身材彈起，但因不聽公司話而遭雪藏，不過Lavina卻私下接工作，被經理人Admond指她違反合約精神，誓要向Lavina追究到底。Lavina聞言慶爆，並爆大鑊投訴Admond逼簽不平等合約。Lavina昨在電話中表示會堅持到底，她說：「我真係接受唔到太性感嘅工作，媽咪見到我之前影嘅月曆咁性感，唔開心到喊，我都要顧及佢感受。」Lavina自言簽合約時年紀尚輕，完全不清楚合約內容，有被人誤導簽約之嫌。
而Admond則表示清者自清，他表示因Lavina懶惰才雪藏她，且不容許對方再在公司未批准情況下，出席其他公開活動，否則將會對她採取法律行動。與Lavina同公司的胡心諾（Rainbow）就力撐公司，Rainbow說：「我同佢一齊出道，大家唔算係朋友，但工作時會見面，覺得做人要飲水思源。」