劉欣宜心痛厭食飲奶吊命
劉欣宜（E Cup Baby）將於八月推出EP碟，她自爆因工作壓力太大，令她「心理病」發，心跳不正常，要服用類似鎮靜劑藥物，幸好經過休息後，身體才無恙。
E Cup Baby最近積極做宣傳，為快將推出的EP碟造勢，她表示雖然是模特兒出身，一早已習慣拍照，但相信因對今次寫真要求極高，故拍攝後，她身體出現不正常的反應，病情可大可小。
她說：「影完寫真集後，我好唔舒服，個心好痛，痛到要用手『揞』住，醫生檢查後，發覺我心跳比正常人快好多，係心理病嘅一種，醫生開咗啲類似鎮靜劑嘅藥畀我食，不過我唔想食咁多藥，食幾次就停咗。」
由於身體不適，E Cup Baby有一段時間全沒食欲，每日飲奶「吊命」，她說：「我本來好鍾意食嘢，但嗰排乜都食唔落，一日只可以飲到兩支奶。」她又說因為營養不良，體重減至只得98磅，現康復後已回升至100磅。
自言自語發脾氣
問她可為心理病而擔心？E Cup Baby坦言其實三年前試過有情緒病，當年她剛踏入社會工作，並兼顧做模特兒，估計是未適應沉重的工作壓力，出現失常的狀況，她說：「我會自言自語外，又成日無故係咁喊，情緒波動好大，成日都大發脾氣，自己都控制唔到自己。」幸好藥到病除，E Cup Baby才擺脫心魔。
採訪：音樂組
場地：彌敦酒店
髮型：Jeffiey@HH