葉翠翠躁爆狂喊生人勿近

在劇集《情越雙白線》中破格演傷殘人士的葉翠翠，戲內全程要坐着輪椅演戲，感受到傷殘人士行動不便之苦。葉翠翠在劇中原本與徐子珊同屬新紮師姐，因出勤時遇上意外被撞至殘廢，情緒因此大受困擾，戲內不時激動得對別人破口大罵，她說：「戲裏面個人好忟憎，情緒成日都要好激動，又要失控狂喊，成個人好躁，鬧人鬧到自己心跳加速。拍呢啲戲要培養感情，喺化妝間啲同事見到我咁躁底都怕咗我，唔知我發生咩事，其實我係培養緊感情啫，拍嗰幾場戲嗰陣好似生人勿近咁，諗落都幾好笑。」

諗過考消防員

平日斯斯文文、儀態萬千的翠翠笑言潛伏在身體內的躁底潛能近年也有爆發的時候，她說：「可能人成熟咗識得據理力爭，近年遇到不平嘅事，都會力爭到底，之前屋企畀印傭爆格，真係從來未試過咁嬲，以前可能會息事寧人，依家會追究到底。」劇中飾演女警的翠翠表示穿起警察制服已過足癮，由於父親是消防員的關係，當年反而有想過投考消防員。

採訪：影視組

攝影：林蔚恩

場地：馬哥孛羅港威酒店