古仔醉爛瞓唔搞事

昨日古天樂西裝骨骨，以代言人身份出席「馬諦氏蘇格蘭威士忌發布會」，同場還有陳樂榣等。但因黑雨關係，古仔遲到約45分鐘才出場。

多得母親訓練酒量

閒時亦會飲兩杯的古仔表示，自小已被母親訓練酒量，到飲宴時會淺嘗啤酒，長大後則開始學飲烈酒，但只會在喜慶場合及放假時喝，他說：「開工我一定唔飲酒，有前輩教路飲少少會放鬆心情，話幫到做戲，但對我唔Work，會仲緊張！」他又表示曾在同學的婚宴中醉倒，不過他醉後不會亂講英文，亦不會搞事：「每個人醉咗嘅行為都唔同，我就唔出聲瞓覺。（好安全？）係囉！」提到酬勞，古仔表示非常滿意，並大讚終於找到適合東方人口味的威士忌。

同樣愛好杯中物的陳樂榣亦有現身活動。	「畀女圍」的古仔表現淡定，沒有半點尷尬。	放大圖片

新片大收歸功導演

工作量爆燈的古仔前日才在北京現身廣告發布會，昨日在港出席活動後，不夠24小時又要飛返內地拍攝杜琪峯新片，之後則要到上海埋首拍攝電影《倩女幽魂》。不過他辛苦終於有回報，由他主演的英皇電影《鎗王之王》在內地票房收逾億，古仔開心地說：「歸功導演啦！我想請台前幕後食飯o架！（加片酬？）仲要睇好多因素嘅，我嘅片酬有加有減，遇到成本低嘅好劇本我會減，最緊要合作得開心。」

提到最近合作拍廣告的黃曉明被指整容，古仔表示不想回應別人的事，問到是否覺得對方靚仔？古仔說：「我一向睇內涵，總之佢係個有潛質嘅演員啦！」

文：影視組