黃長興開餐廳唔畀女友揸數
黃長興獨力投資六位數字於天后開設法國餐廳，日前餐廳開幕，多位圈中好友朱璇、陳敏之、王浩信、高鈞賢等齊齊撐場，而其女友Peggy則如「老闆娘」般在現場打點一切。
問長興有否計算何時可翻本，他坦言：「半年啦！之前試業情況都ＯＫ，啲客話好抵食，我哋餐廳名叫『A la maison』，即係『喺屋企』嘅意思，所以屋企唔鍾意煮飯咪嚟呢度食囉！」
下廚成冧女撒手鐧
長興廚藝不俗，最拿手炮製意大利炒飯及釀番茄，問他是否冧女撒手鐧時，他坦言：「都可以咁話！」而在旁的朱璇亦讚不絕口，表示拍節目時曾到長興家試他的手勢。長興又坦言女友Peggy不太懂烹飪，問他是否讓對方做老闆娘，負責揸數時，他笑說：「數我揸，佢以前做marketing，依家會幫我做番呢方面嘅嘢，（佢係咪你結婚對象？）係，我每次拍拖都睇得好長遠，（幾時結婚？）三、四年啦！」
而王浩信則以一身侍應的衣着到場，為好友長興招呼客人，期間更遞飲品給朱璇，相當搞笑。問王浩信自己有否興趣搞生意，他坦言以前曾被人「走數」，大叫怕怕，現時還是專心拍劇。
文：影視組