由《笑聲》到《獎門人》 陳志球笑騷能手
提起《獎門人》，一定想起曾志偉，其實幕後功臣——監製陳志球（Allen）居功不少，他湊《獎門人》這個「親生仔」湊足十五年，歡樂蓋過辛苦。
Allen加入無綫時擔任節目推廣部的導演，先後做過《勁歌金曲》、《香港小姐競選》、《歡樂滿東華》等大型節目，早期的搞笑節目《點解咁好笑》及《笑聲救地球》為他打好做遊戲節目的基礎。
「親生仔」湊足15年
95年《運財智叻星》大受歡迎，Allen即接旨做遊戲節目：「當時只係畀個曾志偉我，其他自己諗，我成個呆咗，好大壓力。」Allen隨即跟志偉努力度橋，主持人、造型全部搞搞新意思，「親生仔」《超級無敵獎門人》就此誕生，他說：「觀眾餓咗十幾年遊戲節目，結果反應好做足卅幾集，壓力就變成動力。」而這股動力亦令《獎門人》做足十五年。99年亞視播《還珠格格》取得六成收視，無綫即重召《獎門人》應戰：「連做廿五集日日錄影，雖然係我做得最辛苦嘅五個星期，但做得好開心！」
欣賞志偉與肥姐
與志偉十五年關係亦師亦友，Allen叫志偉做「阿爸」，他很欣賞志偉堅持錄影完要全體消夜，為的不是吃一餐而是檢討工作。除了志偉之外，Allen敬佩的還有肥姐沈殿霞：「肥姐除咗專業，對後輩同幕後都好好，唔會因為你係一個助導而留難你，相反佢好關心低位置嘅同事，嘟姐鄭裕玲、阿姐汪明荃都好專業，但佢哋就係少咗呢份親切。」
文：影視組