江若琳爆煲精神分裂
近日忙於拍劇及拍電影的江若琳，除了要忙於香港、泰國兩邊飛外，更要飽受「精神分裂」之苦，皆因她在兩部作品中，無論角色及性格均截然不同，認真慘情！
近期忙於拍攝劇集《洪武三十二》及電影《完美童話》的江若琳（Elanne），經常香港、泰國兩邊奔波外，精神還長期處於極端狀態！分別在《洪》劇飾演活潑公主及在《完》片飾演自閉少女的Elanne，笑言每隔數天便要轉換情緒甚為「精神分裂」，她表示：「喺《洪》劇我開心到痹，做番自己，但係拍《完》片時就變咗孤獨精，成日都要一個人投入自閉嘅狀態，除咗唔敢同人傾偈外，連食飯都唔敢同其他人一齊！本來咁都無問題，但因為兩邊都要趕進度，變咗我呢幾日勁開心完，之後又要變番低沉，好變態！」
歇斯底里刮損手
Elanne又透露為《完》片開工的第一天即告受傷，可謂犧牲極大：「因為我第一場戲已經要勁嗌同勁掙扎，結果因為投入得滯刮損手都唔知！（點解整親？）唔講得住，總之我個角色好歇斯底里，試過拍完某場戲，我成個人好迷失，要導演彭發安慰先抽離到。」
喜獲譚詠麟讚賞
雖然工作如此辛苦，但Elanne笑言十分值得，皆因她早前透過微博得知譚詠麟力讚她有進步，她笑謂：「我睇到校長讚我嗰陣我真係想喊，因為係一個好大嘅鼓舞！首先校長係我最尊敬嘅人，佢話我有進步，真係好開心，亦都證明自己付出咗嘅嘢真係有人睇到！」
文：影視組