城城耍太極愛駒拒叫「富黛」
郭富城和熊黛林的「富黛戀」日漸浮面，愛情得意的城城，最近又榮升做富貴馬主，問會否將愛駒命名為「富黛」？被殺個措手不及的他，只有尷尬死撐：「麻麻哋！」
城城成為英國服裝Kent & Curwen品牌大使，昨日在英國駐香港總領事館舉行記者會，駐港澳地區英國領事亦現身撐場。身穿品牌直條西裝的城城意氣風發說：「印象中好多港督都係着直條西裝，自己着上身都好似有一種領導才能。」
2012可參賽
由於品牌贊助短途盃賽馬，剛榮升馬主的城城說：「雖然我做咗馬主，但2012年至可以參賽。（買咗馬？）未揀，好多練馬師朋友介紹，有英國、南非、法國、澳洲嘅馬匹，不過自己太忙，遲啲至有時間親自去揀。」
城城謂很多人覺得他似匹馬，一樣咁有衝勁、活力，問有冇為馬匹改名？城城說：「未改。」有記者提議叫「富黛」，被取笑的城城即時耍太極說：「真係未諗到馬名。（好唔好聽？）麻麻哋。」
馬迷鍾意就得
城城還裝傻扮懵反問記者：「褲袋？將錢袋入袋。（熊黛林個黛呀？）馬迷鍾意咪得，自己鍾意特別啲嘅名，曾經諗過用『狂野之城』，但又怕隻馬出賽太狂野，練馬師控制唔到。」
採訪：音樂組