張文慈收足片酬落力谷劇
亞視劇集《法網群英》昨在黑色暴雨警告下於九龍灣舉行首映禮，出席演員包括吳啟華、張文慈、陳啟泰、吳亭欣等，欠尾期片酬十萬未收的林雪則缺席首映。
監製鄧特希早前被《法》工作人員告上法庭追討欠薪，又有消息指林雪也欠尾期十萬元，幕後人員更求助議員，考慮向法庭申請禁制令禁播劇集。鄧特希表示：「依家法庭處理緊，進入咗法律程序，唔方便講咁多。（擔心劇集被禁播？）我諗冇問題。」
吳啟華被問是否收齊片酬？他說：「有30集已收齊，其他就要等劇集出咗街先收。（林雪仲欠尾期？）吓，應該會有啩，唔係我嗰啲咪仲凍過水，不過尾期收唔到就經常都有。」
以低胸裝亮相的張文慈透露片酬已收齊並多收六位數字，故笑言會積極參與宣傳。