(4)文凱玲凸圍峽谷藏鑽
十五位準港姐昨日於珠寶公司佩戴鑽飾行catwalk，(4)文凱玲靜靜起革命，奇峰突出，甚有睇頭，更搶了向來身材甚好的(8)彭慧中風頭，而(5)莊思明就繼續得人心，被佳麗互選為「最佳首飾演繹佳麗」。
香港小姐八月一日舉行，昨日十五位佳麗穿着不同款式的tube dress，佩戴不同的鑽飾，為大會珠寶首飾贊助商「六福集團」行catwalk。大戰在即，不少佳麗狀態甚佳，平時不太顯眼的(4)文凱玲忽然搶鏡，穿着貼身裙的她奇峰突出，現場人士看到嘩嘩聲。事後她說：「都係條裙嘅效果，條裙比較窄，（有冇加墊？）有戴bra，但冇特登加墊。」說到鑽石頸鏈亦夾在「乳溝」裏，她說：「啲鑽飾之前已經揀咗畀我哋，唔係嚟到先揀！」她又表示未曾收過男友名貴鑽飾，但自己就買過一對三千元的鑽石耳環獎勵自己。
彭慧中失色
而向來有「睇頭」的(8)彭慧中則表示貼身裙不太窄，更謂:「唔係件衫逼身材先好嘅！（文凱玲好性感，搶晒你鏡？）唔緊要，自己都唔想標榜呢個位，佢都好靚。」問她對身材是否感自豪，她謂：「唔知點答，（佳麗好羨慕？）佢哋冇講出口喎！唔知，（有冇偷望你？）唔使，可直接望。」
睇好陳庭欣
被佳麗互選成為「最佳首飾演繹佳麗」的(5)莊思明則獲贈一套18K首飾，價值五千元，家底不俗的她被問是否覺得小兒科時，她說：「唔係，我好滿意，唔好成日有呢個錯覺。」她坦言自己擁有最名貴的是母親送的一對不足一卡鑽石耳環，更謂：「父母唔會畀我哋太多物質，唔想寵壞。」決賽在即，她表示都緊張，但不是賽果，而是不捨得，問她看好誰時，她坦言：「自己睇好(13)陳庭欣，佢心態調節得好好。」
至於無綫官方網「最具冠軍相佳麗網上投票」，最高五位票數依次是(4)文凱玲、(8)彭慧中、(11)李文煊、(12)湯寶珍及(13)陳庭欣。
文：影視組