鄧麗欣讚死敵裸得靚

鄧麗欣昨日在狂風暴雨下出席電台訪問，自認「雨神」的她自爆：「頭先想出街買少少嘢，點知出門口就狂風雷雨，返到屋企即刻唔落雨。」對於死敵傅穎推出半裸寫真，她表示未有機會睇：「我有睇過宣傳照，都幾靚。（半裸喎。）我冇見過，好勁呀！自己拍戲都試過上半身淨係戴Bra，喺現場影嘅時候真係好緊張，我自己就冇勇氣（影半裸照）亦唔想做住。」對於有13歲男歌迷過檔支持周秀娜，鄧麗欣笑言小朋友較花心：「希望佢大個會專一啲。」她表示不會刻意出招挽回歌迷的心，亦不會刻意看周秀娜的寫真，但認為部分相的確過激，呼籲家長要多加留意。