陳偉霆冰曲學上癮
陳偉霆（William）今年廣告不斷，最近獲啤酒品牌Coors Light邀任港澳代言人。日前William化身型爆「冰之驕子」，以全副武裝玩冰上曲棍球，雖然是「初哥」，但William在教練指導下，表現得有板有眼，惟期間一時心急不慎跣低，場面惹笑。
William直言裝束非常焗身：「好多嘢包住我咁，感到肉體熱到正在焚燒。（有難度？）要坐低個身，同埋要八字腳，個人唔可以太心急，雖然易上手，但條腰同背脊好痠軟。」問到會否學上癮？他說：「都會架，希望學多啲，本身對球類活動麻麻哋，不過冰上曲棍球確係學上癮。」對於成為啤酒品牌代言人，他說：「我唔易醉，係『酒筲箕』。」
場地：Mega Ice