JM慳住撐Baby︰佢送畀我最好
曾是o靚模始祖之一的Janice Man，冷對新一輩o靚模被拒在書展簽名，自稱「第三者」不方便評論，更表示未買昔日好姊妹Angelababy新寫真，為慳百多元開口叫Baby送書。
屬元祖級o靚模的Janice Man，有幸簽約黎明旗下，脫離o靚模爭奪戰，昨日她出席品牌Thomas Sabo活動擔任模特兒，直言未出錢撐昔日好姊妹Angelababy新寫真，她說：「未買呀，但會支持佢，佢送本畀我最好！」
拒評論o靚模
新一代o靚模被書展拒諸門外，Janice Man一副事不關己的態度說：「始終我冇參與書展活動，第三者身份唔方便評論，只要係正面嘅書，書迷又開心都ＯＫ嘅。（o靚模畀人話整亂書展秩序？）如果真係騷擾到人就真係唔好。」被問到是否覺得幸運可脫離o靚模行列？Janice Man笑笑口說：「唔可以咁講嘅，每間公司有唔同做法，我同公司好有默契，人哋嘅做法我冇意見，（咁係咪好慶幸唔使爭？）我都冇出過寫真，都冇話爭，冇諗過爭。（有冇諗過想出寫真？）現階段唔會，自己平時做嘢都影好多相，儲咗好多，唔係淨係靠一本寫真先可以留住青春。」
同樂基兒撐JW
Janice Man冷對o靚模卻自爆撐師妹JW，她說：「24日JW第一次開騷，我同樂基兒都會去支持佢，（上台一齊表演？）我諗我仲緊張過佢，唱歌又唔係我嗰個範疇，但如果公司覺得ＯＫ我都一定會嘅。」
文：影視組