沙姐秋生掀罵戰 莊思敏訓示o靚模
林建明（沙姐）昨日出席新書發布活動時力撐o靚模，對貿發局打壓感到不公平及歧視，又暗寸同行黃秋生戴有色眼鏡打壓，對o靚模不公平：「我睇唔過眼，佢哋個個青春無敵，唔通到我依家又鬆又dum嚟做咩！我好欣賞佢哋為事業積極。」
秋生接受記者訪問時反擊沙姐之言論：「一來未必講我，二來我唔係佢哋同行，係藝人，出席書展唔係問題，點出席先係問題，佢哋去睇書定博宣傳，大家心照，新聞都有市民投訴阻通道兼阻買書，佢哋係打爛書商飯碗。（你話o靚模出寫真有性騷擾之嫌？）絕對係！又立體洞房，又不明液體喺大髀，當然你可以話睇者心邪，但係究竟用意係點心照，書展因宣傳造成混亂等於去齋舖食肉，有冇問題呢？如果再咁搞落去，唔單止o靚模賴（無賴），仲可以話佢o靚模聊（無聊），應該適合場所做適合嘢！」
另外，A. Lin、DaDa、Annie G.與Hailey C.的簽名會人流一般，她們無意入會展，免造成不必要騷擾。是否暗示有人硬闖書展？A. Lin說：「佢哋應該記過同停學。」而冬甩成員Rainbow（胡心諾）昨晚與幾位師妹出席首映，對o靚模入書展被鬧阻街及樣醜，Rainbow說不可以全怪o靚模，因是大會安排，她們已縮短時間，又說將會到會展外的天橋再宣傳，不怕冧橋。至於獲准進場搞簽名會的莊思敏以師姐口脗訓示o靚模：「騷擾到人就唔好，講明唔畀入，佢哋咁即係偷雞，係違規，要收斂吓，有意外就擔當唔起。」
