3D周秀娜撲出冧「老公」
周秀娜（Chrissie）以「洞房」為主題的DVD《3D法國蜜月之旅》昨日於書展會場首賣，全片41分鐘，隨碟附送3D眼鏡和四款立體Postcard。片中她共換十多個造型，包括婚紗、內衣、睡衣、比堅尼等，勁多胸部大特寫。故事一開始Chrissie就對鏡頭嗌「老公」，又要替她綁比堅尼，之後因「老公」沙灘(目及)女，她就發脾氣獨自逛街，再與「老公」相遇齊返酒店，換了透視睡衣在床上自摸典床典蓆，非常挑逗。
昨日DVD攤位提供眼鏡試播Chrissie頭頂足球和穿比堅尼吹肥皂泡兩段，但已吸引半百市民逼爆攤位，有市民看試片後表示：「景深好突出，周秀娜好似成個人撲出嚟咁立體。」而發言人說：「我哋今次係有策略咁先出寫真再出DVD，首500張送簽名海報，兩小時賣晒。」Chrissie亦開心表示：「賣得好梗係開心啦！今日（昨日）黑雨亦無阻fans熱情，不過黃昏時我坐流動簽名館喺旺角搞嘅簽名會就被迫取消，好無奈，但最緊要安全，只好留番星期六見。」