Yumi惡鬥JC排場贏晒

留待第二日才發功谷寫真的尹蓁晞（Yumi），昨日高調出巡，雖然遲了半小時到場，但其身旁豪花五位數請來的六名「幪面超人」保鏢，加上她的女超人cosplay造型竟將拉鏈拉低，露出胸前三吋事業線，非常搶鏡！

遭師奶投訴阻路

Yumi甫到場即引來六、七十名龍友及fans圍拍，當她踏足銷售攤位後，即再引來更多市民圍觀拍照，場面混亂；期間有數名fans拿着寫真集要求簽名，Yumi亦懶理貿發局禁令，偷偷地為三名fans簽名留念。問她是否有心挑戰貿發局時，她笑言：「唔係挑戰。（驚唔驚下年封殺你？）我諗唔會啩！（怕畀人博懵？）唔驚，有六個「幪面超人」保護我。（擔唔擔心擾民？）唔擔心，今日都唔係好多人，都唔想阻大家。」

雖然Yumi強調不會擾民，不過由於她進場前在書展出入口擾攘多時，期間一度驚動大會派出十名保安維持秩序，亦有工作人員開口請Yumi等人不要阻塞通道；而當Yumi進入會場後，亦因引起混亂，惹來路過師奶投訴叫嚷：「又唔知邊個死人頭嚟咗呢度！」認真搞笑。

JC為谷書，不惜自度派警鐘糖絕招，果然夠新鮮！

放大圖片

派警鐘糖挽人氣

至於同樣於昨日才現身書展谷書的JC，雖然與Yumi一樣遲了半小時，但「峰」頭與排場卻明顯輸一截；除了只有兩名外籍保鏢護駕外，打扮亦性感欠奉，但她自度「警鐘波板糖」奇招冧fans，故仍有不少人氣，她笑謂：「係一個funny idea！因為知道簽唔到名，所以特登派糖。」

現場所見，JC約有50人圍觀，當中大部分是龍友及記者，問她可覺得fans人數寥寥可數時，她說：「只要有一個fans，都會好開心，我第一次嚟書展好緊張。」JC又指不擔心銷量不及其他「本地薑」，並謂若有fans要求簽名，她會道歉兼拒絕，因不想違規。JC又自爆男友對其寫真讚口不絕：「佢好shock（震驚），佢覺得好靚，好proud of me，佢係我頭號fans！」

鬥人氣 Yumi 有小朋友似乎對「幪面超人」更有興趣，拉着他們影相；而JC亦有多名龍友及記者圍觀狂拍。

JC

採訪：影視組、名人組