趙世曾出自傳爆情史
趙世曾近日正籌備出自傳，將其一生投資及享樂人生之道結集成書，書中他還會道盡多年來的情史，不過他說：「我係會出本自傳，不過要五年後先出版。（點解要等五年？）五年唔係好耐！我依家要享受人生！（係咪掛住拍拖？）有時間搵錢，拍拖都要！」
他表示自傳將以口述找人代筆，自傳亦分開幾部分，包括投資置業心得、享受人生及情史，他說：「教人投資、享受人生，咁當然包括咗緋聞！」至於自傳中會否有珍貴靚相？他笑言：「相梗係有，好珍貴！幾億都唔賣畀你！（有冇露肉相？）咁肌肉都有！」
而自傳未推出之前，反而他先會為其畢生建築心血「趙苑」出書，他表示「趙苑」差不多已三十年，計劃為整個發展項目的過程出書以作記錄，他更自豪地說：「當年嗰度只係幾千萬嘅別墅，依家變成三十億嘅大規模項目！」