林峯透點滴汗電喊女fans
林峯昨日為新碟到新都會廣場舉行簽唱會，吸引老中青不同年紀的歌迷到場支持，他以透視襯衫配西裝褸上陣，在台上率先跟一眾女dancers貼身激舞，在又跳又唱之下搞到汗流浹背，索性解開西裝褸的鈕，令胸前「兩點」變得若隱若現，十分誘人。
同佘詩曼有感情
期間林峯獲女歌迷在台上讀出深情告白，即時向對方放電兼送抱，搞到女歌迷冧爆落淚，不知所措的林峯連忙道歉，他接受訪問時說：「真係對唔住，我都標晒汗！」提到不少歌迷撲不到演唱會飛，林峯表示不好意思，希望為來港睇騷的歌迷搞聚會答謝大家。
此外，有傳TVB為林峯開劇助他問鼎視帝，力捧他成為歌影視「三料」紅星，林峯說：「依家係知同佘詩曼有感情戲，同埋係做奸角，詳細未去傾，（今年問鼎視帝？）應該唔會今年，公司係畀多咗時間我喺音樂方面，仲有電影，但唔係刻意，只係咁啱有呢啲機會。」
採訪：音樂組