Gag神
今期Gag神請到組合的成員甄穎珊（Freeze)和Jerald（Swing)，與型男周柏豪接受挑戰，Jerald的表現最醒，周柏豪就靠旁人「提水」，索女甄穎珊就兜了大半個圈，左撞右撞，最終畀她「符碌」過關。
題目：一個學生住在學校裏，為甚麼上學還經常遲到？
甄穎珊：點解會遲到啊？我細個返學嗰時都成日遲到，我又係住喺學校入面。（住咁近都遲到？）嗰時返學喺宿舍度住，因浴室個水龍頭成日冇水到，要一滴滴咁裝水刷牙。（唔好遊花園啦！）我諗佢係住喺另一間學校。（冇錯，咪答啱囉！）
Jerald：應該係一個班房去到另一個班房，我諗佢係住喺另一間學校。（冇錯，有聽過呢個問題？）冇啊！初時我係諗佢唔知醒，聽到上堂鐘就知自己遲到，但諗清楚就知答案係咩，哈哈！
周柏豪：細個我有遇過呢個問題，我記得玩過，但係我就暫時唔記得，畀啲時間我。（試吓，諗番細個嘅嘢！）我唔係好知喎！（有人提水。）係咪佢住喺另一間學校。（冇錯！）原來答案係呢個啊！
答案：家所在的學校不是他上學的學校。