楊愛瑾狂買狂食肥腩現形
周遊列國的楊愛瑾（Miki）去年與幾位好友到韓國自由行，五日四夜之旅令她滿載而歸，每日血拼數小時及狂食地道菜，難怪她以「滿足」形容此旅程，Miki表示每次旅行「肥腩」必定現形。
楊愛瑾（Miki）入行初期不時飛往日本Shopping，直至去年有朋友相約她到韓國，首次到當地旅行的她懷着好奇及興奮心情出發，問到有否搭錯車、行錯路？Miki說：「冇呀，有天書喺手，加上當地有朋友，好多時佢車我哋周圍去。」Miki大讚當地消費平：「勁買都唔係使好多錢，比起日本真係差好遠，日本一日用嘅錢夠在韓國使幾日，成個旅程都係用咗一萬蚊左右。」
Miki獲當地朋友帶眾人去食「好嘢」，她說：「碗冷麵真係好好食，依家講起都好懷念，同埋啲餃子好大粒。（肥晒返香港？）係o架，次次去完旅行都會肥，因為會放縱自己係咁食。」
願為韓男學韓文
Miki透露此行參加了當地的大型派對，問到有否單眼皮男生追求？Miki說：「唔識溝通，不過佢哋真係好Sweet，個個都愛打扮。」問到遇上心儀對象會否發展？Miki說：「會，鍾意係唔介意異地戀，不過最緊要係溝通，佢哋英文唔係好得。」Miki坦言如果男友是韓國人她甘願為對方學韓文，她說：「愛係要為對方付出，同埋識多種語言都係好事。」
文：音樂組