Carol低胸MK派扇撥火
「浸大E神」楊梓瑤（Carol）昨日身穿低胸裙，現身旺角為寫真集《Huge》派扇造勢，吸引近百名龍友，場面熱烘烘！擠入鬧市宣傳的Carol可擔心被人揩油，她說：「少少啦！但我相信fans好乖好合作，同埋公司女同事都會保護我，（擔心造成混亂？）都驚，冇預過有咁多人。」
被禁入書展搞簽名會的Carol，將在當日以暑期工身份走入攤位，問她最低工資是多少，她笑說：「我係免費勞工，係佢哋畀個機會我幫手，到時會着圍裙，（性感？）唔敢啦，（如果fans索簽名？）如果佢攞支筆埋嚟都會靜雞雞幫佢簽，不過我都唔想造成混亂，想留喺嗰度耐啲。」她又表示若然真的被趕，計劃拉隊另覓地方搞簽名會。
