Eason爭假生日整水喉
陳奕迅（Eason）下周二36歲牛一，他直言恨放假，因放假都要「接job」，整水喉、油枱腳樣樣做齊，是個不折不扣的住家男人！
Eason昨日為演唱會DVD在屯門市廣場舉行簽名會，吸引過千人逼爆商場，Eason心情興奮，走到歌迷堆中拍照表情多多，大會花心思找來四位小朋友，重演Eason個唱上的「喇叭頭、紅番look、鴛鴦西裝look和浴袍」維肖維妙，最後唱片公司更送上蛋糕預祝他因下周二（27日）的36歲生日。
增生豬腩肉
提到生日，Eason表示希望能夠放假，不過即被記者踢爆剛剛才放完假，他即解釋之前放假忙着打理家事：「屋企水喉漏水啦、將枱腳髹番油啦，仲有Tune過部鋼琴，好多嘢搞，做番個正常男人喺屋企做嘅嘢！（女兒康堤是否最開心？）又唔係喎，佢嚟緊升小一，仲忙過我，總之，生日嗰日一家人食餐飯都OK！」Eason又自爆放假加上世界盃後遺症，令腰間多長了豬腩肉，Eason扭住腰間肥肉邊笑說：「好彩我不嬲唔係賣條腰！但可能到四十幾歲就好想有鋼條身形！」
DVD做手腳
然而Eason在演唱會期間出現不少聲沙情況，可有為DVD補錄重唱？Eason十分老實：「《一絲不掛》真係有補過，唔係因聲沙，係甩少少嘴，當然影住我大頭唱緊嗰啲就冇補，拉Wide Shot見唔到我個樣先補囉！」
文：音樂組