阿倫感觸落淚搞喊歌迷
譚詠麟前晚舉行第二場演唱會，見慣大場面的他，獻唱自己的金曲也忍不住流淚，又換兩套全新的歌衫，他說：「要多謝我嘅工作人員連夜趕工造衫畀我，嚟緊呢幾晚都會有新衫着，最搞笑係工作人員為咗趕工被困紅館，佢哋做到凌晨三點，想走嗰陣先知鎖咗門，真係叫天不應叫地不聞，最後要搵人開門先走到。」阿倫為答謝工作人員，計劃於廿二日休息當天提早舉行慰勞宴。
至於淚灑紅館，他坦言邊唱邊想起以往的畫面及回憶：「第一場冇喊係因為好多嘢要記，好緊張，有歌迷同我投訴，話我喊佢哋又跟住喊，喊足七、八首歌！」阿倫又透露邀得好友刀郎擔任廿日的演唱會嘉賓。