馬浚偉：「我93年參加卡拉OK比賽入行，當時認識戴老師，佢喺後台話收我為徒，仲介紹公司畀我，都17年喇！對於佢嘅離世，我覺得好突然同難過，希望老師一路好走，亦希望師母同兩個女節哀順變，唔好太難過，好好照顧身體。件事唯一安慰係老師走嗰陣冇痛苦、好安詳！戴思聰對學生好仁慈，將啲學生當係自己仔女咁，從來唔會鬧我哋，就算唱錯咗都唔會大聲鬧，所以學歌嘅過程好歡樂。」
