謝婷婷拍戲 安志杰守住

謝婷婷與男友安志杰情侶檔搵真銀，昨晚出席Armani Exchange新太陽眼鏡派對，兩人全程手拖手，大晒恩愛。婷婷表示將到廣州拍攝《少年李小龍》，而安志杰亦透露月尾將到北京開戲，但之前會去探婷婷班。被問到婷婷一直不想有人去探班，安志杰說：「佢話唔准就唔准，不過我會喺旁邊守住。」婷婷直言有相熟人士在場會影響拍戲心情，她說：「如果佢想嚟，我畀佢嚟，不過唔好畀我見到，唔可以睇到我拍戲。（你唔想佢畀意見你？）我自己好怕醜，喺屋企背對白都細細聲，好唔慣，唔夠膽背畀人聽，覺得每句對白都有唔同語氣，好尷尬。」