胡渭康愛扮超人打怪獸

小虎隊成員胡渭康及樂壇新人鄧芷茵(June)昨日出席海港城主辦的幪面超人活動,胡渭康坦言自細就追看幪面超人的卡通片,對展出的幪面超人電單車愛不釋手:「細個睇卡通片就係呢套,每睇完一集就會返學校同同學玩角色扮演,不過個個都鍾意扮超人,邊會有人肯做怪獸吖!」面對同場的女新人鄧芷茵,胡渭康稱十月底將會首次以個人名義推出新碟,他說:「我都係新人呀,可以競逐新人獎。」而June表示知道今年有幾位女新人,但自己於外國有豐富的舞台經驗,希望得到香港樂迷的認同。

Click選心水港姐,請瀏覽on.cc《香港小姐2010》專輯