Ana R.北上做騷苦等Rain

名模Ana R.昨日為品牌示範，提到前晚參與深圳的髮型騷，據稱韓國天王Rain亦會出席，最後卻沒出現。Ana說：「當時好混亂，大會通知我哋話Rain會嚟，但等咗一日都見唔到佢。嗰日我清晨五點鐘就起身準備。好失望，我等咗又熱又漫長嘅一日。（覺得今次有人講大話？）我諗大會溝通上嘅問題。我哋個個model都唔開心。（莊思敏指原本去做時裝騷變咗髮型騷？）大會係同我哋講去做時裝騷，不過去到就變咗髮型騷，大會應該對model誠實，唔通話時裝騷，去到變咗內衣騷，咁樣我一定唔會做，因為唔同嘅工作有唔同嘅價錢。」