DaDa自食其力拒陪富豪

「百果園咪神」DaDa憑巨咪彈起，除成為新一代的「宅男女神」外，她亦承認被富豪睇中，以高價力邀出席飯局。據知，上位不足一年的她「飯局價」已飆升至8萬元，問可會為高價而心郁郁？DaDa堅決地說：「有朋友講有人出到8萬蚊，話想同我食餐飯，雖然好似好多錢咁，但我一定唔會去！唔使再出價喇，我唔想畀人誤會，我要靠自己努力！（與fans飯局？）如果寫真賣得好，我會考慮同佢哋食飯慶功，而且仲會出更加性感嘅個人年曆。」

各出性感招

DaDa為自食其力吸金，穿上針織比堅尼Top拍攝寫真，即使要在叢林餵蚊及烈日當空下影相，她仍笑容滿面，擺出不同甫士，勁晒天然「人字胸」及白滑靚肌，大賣健康性感。

至於「翻版大S」李莉琳（Liz）及王梓如（Ayu）亦與DaDa攜手出擊，性格男仔頭的Liz破天荒行性感，以透視誘惑騷纖腰，並以超短傘裙行「股惑」，更做出咬手指等撩人動作。而Ayu則玩純情，穿上睡衣搔首弄姿，又以Corset上陣騷青春性感。

文：專案組