Liz唔識西話溝仔蝕底

今個夏天的世界盃潮熱令到o靚模李莉琳（Liz）豬籠入水，與同門陳靜（DaDa）狂接工作，不過最開心要算是見證西班牙奪冠：「我對西班牙有情意結，呢個係我第一個去嘅歐洲國家，嗰度真係好靚，好多建築物都好特別，去到每個地方都好興奮，影咗好多相留念。」問到是次西班牙之旅可有艷遇，Liz笑笑口說：「西班牙都幾多靚仔o架，街上好多人都係身形高大兼輪廓靚，不過好可惜，我唔識西班牙話，溝通唔到。」世界盃之後就輪到宣傳寫真，Liz直言今年暑假雖然忙碌，但相當充實，自覺突然間對人對事都成熟不少：「連屋企人都覺得我成熟咗，開始放心我自己發展。」