杜如風靠經驗做蠢才女

潮流兼旅遊達人杜如風，今年書展再度推出新書，但今次不是以時裝和旅遊為主題，化身才女推出散文集《風行風語》，將內心世界和所見所聞寫在書內。

愧封日本通

杜如風說：「原本想推出巴黎旅遊書，但因為時間唔夠我去搜集，所以決定唔出，唔想用自己個名呃讀者，讀者唔係傻架！好多人以前叫我做日本通，我真係唔敢認，日本好多嘢我都唔識，真係唔敢當。你問我日本國家政治架構我都唔識啦，唔想呃人呃到好似乜都識咁，我只係識吃喝玩樂。」

對於被封才女，她則自嘲是蠢才的才女而已。面對一眾樣靚身材正的o靚模亦在書展推出寫真，她則自稱是老模一名，身材不及o靚模誇張，但認為大家市場不同，不擔心會影響銷量。

杜如風自嘲是老模兼蠢才，但其實滿肚子大計。

別人以為杜如風是日本通，她愧不敢當。

為未來着想

杜如風表示會將過往的經歷寫在書內：「我都要為未來着想，唔可以到四十歲仲喺巴黎鐵塔下打觔斗或瞓地影相，所以想試吓出散文。」雖然杜如風給人印象似只懂玩樂，但其實她做事相當認真。她已積極裝備自己，已擔任某節目的監製及剪片，希望做到周身刀張張利。她說：「有時都好大壓力，要睇中醫調理身體。」

文：影視組

場地：The Continental Club @ Gateway Hotel