呂晶晶壓力大意外升CUP

呂晶晶之前不停於大陸拍劇，包括《陳夢吉》及《蓮花雨》等，由於她的角色佔相當重戲份，故令她感到壓力相當大，更引致內分泌失調，肥腫難分，故現時她積極做運動，以前有跑步習慣的她，最近更做埋瑜伽，晶晶謂︰「喺《蓮花雨》入面，成日都要喊，劇中角色已經係個神經質嘅人，自己第一次做呢啲角色，一時應付唔到，搞到內分泌失調，又瞓唔到覺，足足肥咗十五磅。」

無懼緋聞

由於體重暴升，晶晶連上圍都升了CUP，令她不得不地獄式減磅，她說︰「我依家好似運動員咁，一星期做六日運動，以前成日都跑步，不過跑得多大髀會粗，所以依家玩埋瑜伽，既修身又可以排毒。」

現時，晶晶正於橫店與陳浩民及關智斌等拍攝劇集《秦香蓮》，第一次拍古裝的她，飾演一名公主，她說︰「我第一次去橫店拍劇，自己買咗好多蒟蒻麵上去，平時出外景，由於我食齋，工作人員都會準備素飯盒畀我，不過佢哋認為齋即係菜，所以我日日都只係食菜飯。」劇中，她與陳浩民首度合作，雖然晶晶已是單身，但坦言不怕與對方傳緋聞，更笑謂︰「佢唔係我嗰TYPE！」

放大圖片	呂晶晶除了跑步外，最勤力的都是玩瑜伽。

文︰影視組