張潔茵煮中餐嘥料捱罵
有線電視新面孔張潔茵，經一年秘密訓練成為有線力捧對象。最近她與陳啟泰遠赴日本拍攝旅遊特輯，正式開始主持娛樂新聞台節目。早前茵茵小試牛刀，與飲食名師高榮燊學煮麵豉排骨蒸豆腐。
在美國讀書、從未煮過中餐的茵茵說：「可以同高師傅偷師真係好開心，我真係估唔到連切每樣餸都有咁大學問。」對中餐一無所知的茵茵令高師傅大大搖頭，高師傅直斥：「豆腐唔切就蒸，簡直係浪費材料！煮蘿蔔炆黃花魚又落咁多生粉，芡汁都變咗啫喱，你都係返去煮西餐啦！」雖然茵茵首次煮中菜便被罵個狗血淋頭，但反而激發起她的鬥心，立心要學好廚藝，將來慰勞媽媽。