江若琳喜獲多啦A夢打氣

Elanne向來有「小公主」之稱，她的公主身份及靚聲被睇中，為卡通電影配音，聲演人魚公主的她大感開心：「喺《大雄的人魚大海戰》做人魚公主，拍緊嘅古裝劇同卡通片都係做公主，好易入戲。細個好鍾意睇《人魚傳說》，次次睇都喊，媽咪會錄低畀我送藥。」Elanne是多啦A夢迷，初出道時曾為該系列電影唱片尾曲，與該片甚有淵源。當她遇上聲演主角的林保全時非常雀躍，氹全哥為努力宣傳新歌《BaBaYa》的她錄製多啦A夢版打氣說話，全哥樂意幫忙令她非常開心。

最難配笑聲

Elanne工作排得密密麻麻，她說：「我拍緊劇，抽時間出嚟配音，用咗兩日時間。」她在短短兩日完成配音，還獲得全哥讚賞，全哥說：「唔使教佢咩絕招，佢好乖同聽話，淨係提醒佢放輕啲把聲，表現有70分。」Elanne自覺配音經驗淺，大呼困難：「對白唔難，笑聲係最難架，我笑到好奇怪。要幻想所有角色係我朋友，唔可以太生活化，不過我好享受配卡通片，充滿童真，好開心。」

江若琳為《大雄的人魚大海戰》聲演人魚公主。

江若琳是多啦Ａ夢粉絲，有機會見到該卡通人物配音員林保全，大感興奮。

文：專案組

攝：吳文聰

化妝：諺瞳小白、YoYo Tang@Picturesque Gate

髮型：James Lee@HAiR

場地：JuYoga