周秀娜日日煲男友

「警鐘胸」名模JC和翻版林志玲林莉都加入寫真戰，加上o靚模湧現，各單位奇招盡出，Chrissie可謂腹背受敵！昨晚，Chrissie以露肩低胸裙到海港城海運大廈前門出席「愛看互動平台正式啟動」活動，雖作有限量性感，但依然成為焦點！

將於新戲合作

對於JC發放噴血寫真相片，問Chrissie反應？她說：「冇睇佢啲相，撼我係正常，嚟緊我哋都一齊拍戲，喺戲中係敵對角色。」至於JC表示為拍寫真禁慾一個月，問Chrissie是否一樣？她說：「我啱啱相反，keep住煲住，(煲住點解？)即日日有見住！」問Chrissie會否與男友練習親密動作以便拍寫真時更得心應手？她表示：「男友不嬲都好錫我，總之我哋非常之甜蜜。」至於如何準備以洞房為題的寫真集，Chrissie澄清：「洞房唔係我講嘅，我盡量對鏡頭做動作營造甜蜜感覺。」

同場的林莉日前亦公開了在緋聞男友的豪宅內拍攝的「銀彈」照，記者向她求證，她表示：「比華利山別墅拍，間別墅係由公司同事聯絡嘅。」至於有傳兩人分手，林莉小心地說：「從來冇開始過，我同佢關係，佢係投資者，今年二、三月，自己同公司講唔需要專車接送，自己搭車或者的士代步都方便。」

擔任港男主持

而與夫婿甜蜜到場的蔡少芬就透露八、九月再接劇，並謂想與夫婿去旅行，被問到是否想「造人」？她說：「依家係夏天，玩咗先算。」在旁的張晉則謂：「呢啲嘢唔好問我。」場面搞笑。

此外，無綫有意邀周秀娜夥拍呂慧儀，為今屆《香港先生競選》任主持，周秀娜表示初步知道將要出席港男節目，呂慧儀則說：「收到通知要做，但唔知係咪同周秀娜，（期待３Ｄ泳褲？）我知有３Ｄ，但唔知係泳褲。」

蔡少芬與老公張晉甜蜜到場。

梁詠琪亦盛裝出席活動。

文：名人組