盧惠光拖嫩女歎平餐
盧惠光自與黎淑賢離婚後，一直以「寡佬」身份照顧兩個兒子，早前更傳他離開成龍公司而陷困境。雖事業失意，但愛情卻如魚得水，年屆五十的他正與年輕廿多載的女友拍拖。
錫住荷包
日前本報拍得光仔與一位廿五、廿六歲、拿Chanel袋的年輕女友一同離開其黃埔寓所，兩人十指緊扣往食平價意大利午餐，之後到對面的商場閒逛。雖有美相伴，但光仔仍到運動店為兒子選波鞋，可惜無收穫，接着陪女友逛時裝店，專攻減價貨，同樣冇幫襯，相信是女友錫住他荷包。未幾二人轉到便利店打書釘，女友買了雜誌便隨光仔返家。
據知二人認識一年多，已發展至半同居階段，光仔的朋友都認定「阿嫂」身份，尤其稱讚她有家底但不嫌棄光仔，慳住光仔荷包又愛錫小朋友。光仔被問到拍拖一事時表示女友非圈中人，不欲多談，但讚她有思想又不介意年齡差距，笑言如女友願意，會「不設防」生小朋友。
文：影視組