鄧麗欣閨房樂靠三寶
鄧麗欣（Stephy）的安樂窩有「三寶」，分別是Boo公仔、電子琴及DVD電影。平日工作忙碌，返到最感舒適的家時，當然想輕鬆一吓，自卡通片《怪獸公司》後，Stephy便愛上其中一個角色——Boo，fans獲悉後源源不絕送上，Stephy說：「呢個係其中一個公仔，有時好攰返到嚟，見到阿Boo會好開心，我仲將佢放喺電視機旁邊，依家有成廿幾卅個公仔同模型。」
歌手出身的Stephy，深明音樂的重要性，故於五年前自掏腰包購買電子琴放家中，Stephy說：「呢個係for自己平時填詞用，不過出自我手筆就只有一首《小紅帽》，希望將來能夠有多啲見得人嘅作品啦。」
除了音樂，Stephy亦拍電影，正所謂知己知彼，她閒時會狂煲碟自我增值，笑指家中現時大約有三百多隻DVD，數量多得幾乎要另闢地方安放。
