李卓庭（Eunix）忙於灌錄新碟，但進度未如理想，因為喉部不適，Eunix說：「加上今次啲歌比較有難度，因為監製揀嘅歌好高音，所以每首歌都花好長時間灌錄，但效果都唔係咁滿意。（唱現場擔唔擔心走音？）都驚o架，因為真係好難唱，惟有平時多啲練習，希望監製唔好畀咁多挑戰我，真係怕應付唔到。」
喉嚨一向易敏感的Eunix，坦言很煩惱：「我住嗰度空氣指數係出名勁差，加上呢排天氣勁熱，去到冷氣地方又好容易攝親，健康真係非常緊要！」
