Baby做整容人辦嫌未夠完美
擁有美麗面孔的Angelababy，近期成為大陸女生的整容對象，她謙虛表示自己不是完美比例，但信心爆棚指緋聞男友黃曉明不會鍾情A貨Baby。
Angelababy與周柏豪獲adidas NEO LABEL垂青，擔任品牌大中華區代言人，兩人昨日齊為品牌新店開幕擔任嘉賓。屢次被傳整容的Baby，被問到日前有傳大陸有位女生因覺得她很漂亮，便依照她的樣子整容，Baby即呼籲大家不要麻木，她說：「希望大家整容前要諗清楚，唔好整到一模一樣，唔好似我。我自己冇整過容，人哋要整我都阻止唔到，不過以我嘅樣來作參考，實在太抬舉我，我唔係完美比例，係都參考李嘉欣個樣。」
問Baby可擔心緋聞男友黃曉明愛上翻版的她，她即自信地說：「我對自己有信心。（係咪因為佢喜歡你？）唔係，你哋咁問我唔識答。」
身價漲買千呎樓
工作一浪接一浪，身家亦暴漲不少，今次擔任代言人的酬勞亦十分可觀，Baby說：「夠畀細細間屋嘅首期，夢想有間過千呎嘅樓，依家已經儲夠錢買，但冇時間睇。」又透露家人已物色中，但因樓價太貴，不會今年買。問她擔任代言人黃曉明會否受惠，她謂除自己着外，細佬會受惠，但不會揀給黃曉明，亦不清楚對方是否喜歡運動服。
曉明晒窩釘紅罩
此外，黃曉明為慶祝微博粉絲人數超過八十萬，在微博上放了他的新歌《受不了》造型，全紅打扮，戴了紅色窩釘口罩。繼又表示喜歡車，雖有野性的一面，但絕不會飆車。
採訪：名人組