G.E.M.深情說話未及送自縊fans

視G.E.M.及Mr.為偶像的失明陳姓女歌迷，本周一於薄扶林盲人院上吊，延至前日證實不治，G.E.M.聞訊後在Facebook寫上：「小女孩，安息吧！」G.E.M.本計劃到醫院探望對方，惜最後接到歌迷死訊，令她感到好惋惜，她說：「係好心噏。」

反遭抨擊造作

本來G.E.M.還錄製了一段長三分鐘的深情說話，希望藉此嘗試喚醒對方，她說：「我用鋼琴彈了段音樂，希望音樂可以感染佢，同佢講無論發生乜事，只要努力去跨過，將來望番轉頭，就覺得係好小事，冇嘢唔可以克服，仲同佢講喺微博好多網民、歌迷祝福佢，為佢祈禱，大家都支持佢，叫佢唔好放棄。」

G.E.M.可會將這錄音帶作為陳女陪葬品？她說：「希望將錄音帶交畀佢屋企人，由佢哋去處理，我唔知可以做乜，唱片公司會同佢屋企人聯絡，睇吓有咩可以幫手，（會出席喪禮嗎？）會尊重佢家人意願，如果佢哋冇問題我會去。」

G.E.M.之前在微博呼籲大家一齊為女歌迷祈禱，但卻遭人抨擊她「造作」，她表示歌迷離世令她得到很大啟發，領會到生命最寶貴，對這些抨擊，她學懂放開不介懷，她說：「生命最重要，我唔會浪費自己嘅時間喺無謂嘢度。」

Mr.驚有樣學樣

Mr.亦向女歌迷身邊家人、朋友作深切慰問，他們勉勵大家珍惜生命，他們說：「每個人都有脆弱時候，要將困難問題化成力量，好多人比自己更不幸更唔開心，生存係唔易，但每人都要勇於面對，適者生存，唔好咁易放棄。」他們坦言不欲有太大反應，因好怕歌迷為吸引他們注意，而有樣學樣，他們說：「呢啲事絕對唔鼓勵，唔做太多反應係最好方法。」

此外，陳女入住的心光盲人院校長梁民安表示，學校及家人已有心理準備，家人聞訊表現平靜，學校社工及醫務社工會盡力協助家人，教育局亦派出專家到學校協助。

文：音樂組