何思諺冇事業線晒
陽光妹何思諺為其電子版寫真集《Tout d'abord》舉行記招，有不少fans到場支持，問到會否推出非電子版寫真集，她坦言要視乎銷量：「八月仲會喺韓國同日本推出，到時相片同文字都有啲唔同，自己都負責剪片，不過就要請翻譯。（會唔會有簽名會？）如果佢哋唔介意簽喺i phone上都OK。」
至於是否為避o靚模而推出電子寫真，何思諺即語帶諷刺說：「佢哋都係人，工作上會有接觸，但唔會刻意，大家都係同一行，我覺得唔好太過分，唔可以違背良心，我唔想令自己後悔，所以我唔會性感，我都冇事業線。」問會否介意被稱為o靚模？她說：「人哋叫我陽光妹，唔會叫我做o靚模，最多都係lemon tea。」此時，她發覺自己說錯話，立刻補鑊：「其實大家市場不同，希望大家寫真集大賣。」
